السلام عليكم
اليوم جبتلكم مجموعة حلوة من الزهيريات للشاعر المبدع مالك الحزين
ياربي تعجبكم
حبك كتلني وصرت لفراشي ملازم
حيث الذي گابلك يلــــبس درع لازم
لازمني حبك يول لـــــزمة خبل لازم
واني ولاينوصف حــــبي اولاعي بك
وغالي عليه تظل انــــــت والاعيبك
انت يزين النبت تدري شـــــنو عيبك
مشكلتك انك حلو زايد عــــن اللازم
مارحتي هذا الگلب بوصال مرة انـــــتي
ومرنتي گلبي على الهجران مرنــــــتي
ردناچ تمرين مرة بشوگ مــــــــــرة انتي
ماردنه منچ ذهب بس شوف وجهچ بس
وشحيتي بمواصلچ ليما هرشنه ايبـــس
حلوة وشبيهة گمر وعيون تسحر بـــــس
مرة انتي رغم الحلاة البيچ مرة انـــــتي
يابحر الاوهام يمتة دا نصل ساحــــــلك
والعب بكيفك علي ماني صرت ساحلك
يامة بسواد الجفن دم ودمع ساح الــــك
وانت بدليلي تزيد سهام وحرابــــــــــي
وحملت لجلك جريد شتاي وحر ..آبــــي
الدهر بجفاك ضدي اعــــــلن حـــــرابي
ويگول ماجوز عنك ساحلك ساحــــــــلك
انطر هواك واساهر وانتظر وابـــــرة
طعين مالي دوه وبشوفتك ابــــــره
سوف هواك الگلب مثل القلم وابره
ودعاه سجيم ناحل من القهر بسلج
مايوم مال الگلب لغيرچ بس الــــــچ
تدرين ليش من اشوفچ بس الــــــج
لنچ مصيبة وخصرچ ينلظم بابـــــــره
[center]