منتديات بحر المشاعر

الثقافة........الفن.........الأبداع...نلتقي لنرتقي
 
الرئيسيةاليوميةبحـثمكتبة الصورالتسجيلمركز التحميلدخول

شاطر | 
 

 كلمات اغاني العندليب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سهر الليل
المدير العام
avatar

ذكر
عدد الرسائل : 1390
العمر : 45
العمل/الترفيه : موظف
المزاج : عادي
تاريخ التسجيل : 20/06/2008

مُساهمةموضوع: كلمات اغاني العندليب   الثلاثاء فبراير 24, 2009 6:43 am


أهواك

غناء: عبدالحليم حافظ
***********
أهواك وأتمنى لو أنساك
وأنسى روحي وياك
وإن ضاعت يبقى فداك لو تنساني
* * *
وأنساك وتريني بأنسى جفاك
وأشتاق لعذابي معاك
وألقى دموعي فاكراك أرجع تاني
* * *
في لقاك الدنيا تجيني معاك
ورضاها يبقى رضاك
وساعتها يهون في هواك طول حرماني
* * *
وألاقيك مشغول وشاغلني بيك
وعيني تيجي في عينيك
وكلامهم يبقى عليك وإنت تداري
* * *
وأراعيك وأصحى من الليل أناديك
وأبعت روحي تصحيك
قوم ياللي شاغلني بيك جرب ناري
*********
بتلوموني ليه
غناء: عبدالحليم حافظ
بتلوموني ليه .. بتلوموني ليه
لو شفتم عينيه .. حلوين قد إيه
ح تقولوا إنشغالي وسهد الليالي
مش كتير عليه .. ليه بتلوموني
* * *
أسير الحبايب يا قلبي يا دايب
في موجة عبير من الشعر الحرير
ع الخدود يهفهف ويرجع يطير
والناس بيلوموني وأعمل إيه يا قلبي
عايزين يحرموني منه ليه يا قلبي
* * *
من يوم حبه ما لمس قلبي
فتح الباب للشوق يلعب بي
وهو حبيبي وهو نصيبي
وهو النور لعينيه وقلبي
وهو شبابي وهو صحابي
وهو قرايبي وكل حبايبي
والناس بيلوموني وأعمل إيه يا قلبي
عايزين يحرموني منه ليه يا قلبي
***********
توبة
غناء: عبدالحليم حافظ
توبة إن كنت أحبك تاني توبة
بس قابلني مرة وتبقى دي آخر نوبة وبعدها توبة
توبة إن كنت أخاصمك وأرجع أصالحك تاني
ياما البعد سقاني وياما القرب ضناني
وإن فات طيفك يوم في منامي وجه صحاني
برضه أصالحك بس أهي نوبة وبعدها توبة
توبة إن كنت حصدق تاني كلامك
مهما حتسأل مش راح أصدق حتى سلامك
بس أوعدني أوعى تبكي وأنا قدامك
أحسن أكذب روحي وأقول أهي نوبة وبعدها توبة
آه من حيرة قلبي وآه من دمعة عيني
كل ما أقول أنساك توحشهم نارك وتصحيني
أجري وأسأل عنك قبل ما انت تجيني
أضحك نوبة وأبكي نوبة وبعدها توبة
***************
جبار
غناء: عبدالحليم حافظ
جبار .. جبار
في رقته جبار
جبار .. جبار
في قسوته جبار
خدعتني ضحكته
وخانتني دمعته
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
عرفته قد ما عرفته ولا عرفتوش
وشفته قد ما شفته ولا فهمتوش
كان بيقوللي أحبك .. أيوه كان بيقول
وأنا من لهفة قلبي صدقته على طول
كنت أشوف وأسمع وأحس بقلبه هو
كنت عايش مش عشاني عشانه هو
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
يا معلمني الحب ياريتني
ياريتني ما تعلمته معاك ولا شفته
ليه تخدعني ليه خليتني
خليتني أنسى الدنيا وأعيش بحلاوته
ده ما كانش في تنين زينا شافوا اللي شفناه في حبنا
الحلم كنا بنحلمه ونكمله من بعضنا
ليه تصحيني في وسط الجنة بنار ودموع
كنت إرحمني وسيبني شوية أعيش مخدوع
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
* * *
قلبي قول للحب إبعد عن طريقي
أي حب جديد ياويله من حريقي
لو ح أصادف قلب مخلص
مش ح آمن له وأصونه
وإن ضحك في عينيه ح أضحك
وأخدعه ويمكن أخونه
زي غيرنا ما باع
نبيع عمر الهوى وعهده
زي قلبي ما ضاع
تضيع كل القلوب بعده
ولا أقول لك .. لا يا قلبي
ليه نلوم على الحب ليه
ده اللي خانك خان شباب الحب
خان وجار عليه
يعني أنا والحب وإنت
كنا لعبة بين إيديه
وما كنتش أعرف قبل النهارده
إن العيون دي تعرف تخون بالشكل ده
ولا كنت أصدق قبل النهارده
إن الحنان يقدر يكون بالشكل ده
جبار .. جبار
*****************
زي الهوا
غناء: عبدالحليم حافظ
زي الهوا يا حبيبي زي الهوا
وآه من الهوى يا حبيبي آه من الهوى
وخذتني من إيدي يا حبيبي ومشينا
تحت القمر غنينا وسهرنا وحكينا
وفي عز الكلام سكت الكلام
وأتاريني ماسك الهوا بإيدية
وآه من الهوى يا حبيبي
* * *
وخذتني ومشينا والفرح يضمنا
ونسينا يا حبيبي مين إنت ومين أنا
حسيت إن هوانا ح يعيش مليون سنة
وبقيت وانت معايا الدنيا ملك إيدية
أأمر على هوايا تقول أمرك يا عينية
وفي عز الكلام سكت الكلام
وأتاريني ماسك الهوا بإيدية
وآه من الهوى يا حبيبي
* * *
خايف ومشيت وأنا خايف
إيدي في إيدك وأنا خايف
خايف على فرحة قلبي
خايف على شوقي وحبي
وياما قلت لك أنا
واحنا في عز الهنا
قلت لك يا حبيبي
لا أنا قد الفرحة ديّ
وحلاوة الفرحة ديّ
خايف لا في يوم وليلة
ماألاقكش بين إيدية
تروح وتغيب عليّ
وقلت لي يا حبيبي ساعتها
دي دنيتي إنت اللي ملتها
وفي عز الكلام سكت الكلام
وأتاريني ماسك الهوا بإيدية
وآه من الهوى يا حبيبي
* * *
وخذتني يا حبيبي ورحت طاير طاير
وفتني يا حبيبي وقلبي حاير حاير
وقلت لي راجع بكرة أنا راجع
وفضلت مستني بآمالي
ومالي البيت بالورد بالشوق بالحب بالأغاني
بشمع قايد بأحلى كلمة فوق لساني
كان ده حالي يا حبيبي لما جيت
رددنا الغنوة الحلوة سوى
ودبنا مع نور الشمع .. دبنا سوى
ودقنا حلاوة الحب .. دقناها سوى
وفي لحظة لقيتك يا حبيبي زي دوامة هوا
رميت الورد طفيت الشمع يا حبيبي
والغنوة الحلوة ملاها الدمع يا حبيبي
وفي عز الأمان ضاع مني الأمان
وأتاريني ماسك الهوا في إيدية
وآه من الهوى يا حبيبي
*********
سواح
غناء: عبدالحليم حافظ
سواح وماشي في البلاد سواح
والخطوة بيني وبين حبيبي براح
مشوار بعيد وأنا فيه غريب
والليل يقرب والنهار رواح
وان لقاكم حبيبي سلموا لي عليه
طمنوني الأسمراني عامله إيه الغربة فيه
سواح وأنا ماشي ليالي سواح
ولا داري بحالي سواح
من الفرقة يا غالي سواح
إيه اللي جرى لي سواح
وسنين وأنا دايب شوق وحنين
عايز أعرف بس طريقه منين
يا عيوني..آه يا عيوني
إيه جرى لك فين إنت وبتعمل إيه
يا ظنوني..آه يا ظنوني
ما تسيبوني مش ناقص أنا حيرة عليه
لا أنا عارف أرتاح
وأنا تايه سواح
يا قمر يا ناسيني رسيني عاللي غايب
نور لي .. وريني سكة الحبايب
وصيتك وصية يا شاهد عليا
تحكي له عاللي بيه واللي قاسيته في لياليا

منقول

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ba7ralmsha3r.yoo7.com
أمير المنتديات
بحار نشيط
بحار نشيط
avatar

ذكر
عدد الرسائل : 140
العمر : 30
تاريخ التسجيل : 06/11/2008

مُساهمةموضوع: رد: كلمات اغاني العندليب   الإثنين مارس 09, 2009 2:47 pm



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلمات اغاني العندليب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بحر المشاعر :: أغاني وموسيقى بحر المشاعر :: منتدى كلمات الأغاني-
انتقل الى: